Puna e tjetrit nuk është “jona”: Pse ka rëndësi e drejta e autorit?
Përshëndetje të gjithëve! Sot në ditarin elektronik do të flasim për diçka që e ndeshim çdo sekondë në të përditshmen tonë, por që shpesh e anashkalojmë:
“Të drejtën e autorit ose copyright-in.”
Në botën digjitale ku jetojmë, gjithçka duket e përbashkët. Me një “shkrepje të ekranit” apo një “ruaj”, ne mund të marrim çdo foto, këngë apo video që na pëlqen. Por, a e kemi menduar ndonjëherë se pas asaj përmbajtjeje fshihet një person që ka harxhuar kohë, talent dhe energji?
E drejta e autorit nuk është thjesht një term ligjor. Është rregulli që mbron krijuesit. Ai i jep autorit të drejtën të vendosë se si do të përdoret puna e tij. Kur ne shpërndajmë diçka pa cituar burimin, jo vetëm që bëjmë një padrejtësi, por edhe rrezikojmë që të na bllokojnë postimet apo llogaritë tona.
Të tregosh respekt digjital është shenjë inteligjence. Të citosh autorin, të kërkosh leje ose të përdorësh materiale me licencë të lirë, ndihmon që komuniteti ynë i krijuesve të rinj të rritet dhe të ndihet i vlerësuar.
Mendimi juaj?
Ne duam të dimë se çfarë mendoni ju:
A ju ka ndodhur ndonjëherë që dikush tjetër të postojë punën tuaj (një foto, një vizatim apo një mendim) pa ju bërë etiketim apo pa ju pyetur? Si jeni ndier në atë çast?
Shkruani mendimet tuaja në komentet më poshtë!
Sfida e javës:
Këtë javë, të gjithë kemi një sfidë! Para se të postosh diçka që nuk është 100% krijimi yt (një foto apo një thënie):
- Gjej autorin origjinal.
- Përmende emrin e tij në postim ose bëji etiketim.
- Nëse nuk e gjen dot, shto fjalinë: “e drejta i takon autorit” ose kërko një alternativë që është falas për përdorim.
Le të bëhemi ne shembulli i respektit në rrjet!
Leave a Reply