Sa më ndryshon shkrimi kur jam me nxitim?
Shpesh kur jam me nxitim, shkruaj pa menduar shumë. Nuk vendos pikë, nuk përdor shkronja të mëdha dhe i shkurtoj fjalët. Dëshiroj vetëm që mesazhi të shkojë shpejt dhe të kuptohet.
Por kam vënë re që ndonjëherë, nga nxitimi, njerëzit mund të mos më kuptojnë mirë ose të keqkuptojnë tonin tim. Një fjali pa pikësim mund të tingëllojë e ftohtë, ndërsa me pak kujdes mund të duket më e sjellshme.
Për shembull:
• “hajde tani” (tingëllon urdhër)
• “Hajde tani, të lutem” (tingëllon më miqësore)
Ky projekt po më bën të mendoj më shumë për mënyrën si shkruaj. Sepse mënyra si shprehemi online tregon edhe respektin që kemi ndaj vetes dhe ndaj të tjerëve.
Qëllimi im: të shkruaj më saktë edhe në chat, jo vetëm në fletore.
Pyetje: A mendoni se ekrani të ndihmon më shumë apo të shpërqendron?
Leave a Reply